სლოვაკეთის საგარეო მინისტრი: დაბრკოლებებს ვერ ვხედავთ, ქართველი ხალხი უვიზო რეჟიმს ძალიან მალე მიიღებს

2016-12-12 18:18:38, 1582 ნახვა

პოლიტიკა

დაბრკოლებებს ვერ ვხედავთ, ქართველი ხალხი უვიზო რეჟიმს ძალიან მალე მიიღებს, - ამის შესახებ ევროკავშირის თავმჯდომარე ქვეყნის, სლოვაკეთის საგარეო საქმეთა მინისტრმა მიროსლავ ლაიჩაკმა განაცხადა.

როგორც ლაიჩაკმა ევროკავშირის საგარეო საქმეთა მინისტრების შეხვედრის დაწყებამდე ჟურნალისტებს განუცხადა, საქართველოს ვიზალიბერალიზაციის საკითხზე ტრიალოგი 13 დეკემბერს გაიმართება, 20 დეკემბერს კი აღნიშნულ საკითხს ევროკავშირის მუდმივ წარმომადგენელთა კომიტეტი (COREPER) განიხილავს.

„მოხარული ვარ შეჩერების მექანიზმთან დაკავშირებით შეთანხმების მიღწევის გამო. ხვალ გვაქვს ტრიალოგის ფარგლებში შეხვედრა ევროპარლამენტთან და ეს საკითხის დღის წესრიგში 20 დეკემბერის შეხვედრაზეც იქნება. ჩვენ დაბრკოლებებს ვერ ვხედავთ, ქართველი ხალხი უვიზო რეჟიმს ძალიან მალე მიიღებს”, - განაცხადა სლოვაკეთის საგარეო საქმეთა მინისტრმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან