გერმანიის საგარეო - საქართველოს მთავრობას ეკისრება პასუხისმგებლობა, განზრახ არ შეაფერხოს ქვეყნის გზა ევროპული მომავლისკენ

2024-04-26 09:15:19, 295 ნახვა

პოლიტიკა

გერმანიის საგარეო საქმეთა სამინისტრო „უცხოური გავლენის გამჭვირვალობის შესახებ“ კანონპროექტთან დაკავშირებით მიმდინარე მოვლენებს სოციალურ ქსელში ეხმაურება.

როგორც უწყების განცხადებაშია ნათქვამი, "საქართველოს მთავრობას ეკისრება პასუხისმგებლობა, განზრახ არ შეაფერხოს ქვეყნის გზა ევროპული მომავლისკენ".

გარდა ამისა, გერმანიის სამინისტრო აღნიშნავს, რომ "ევროკავშირის კანდიდატის სტატუსი ისტორიული შესაძლებლობაა".

"საქართველოში, ათასობით ადამიანი, სიტყვის თავისუფლებისა და აქტიური სამოქალაქო საზოგადოებისთვის, ყოველ ღამით გამოხატავს პროტესტს. ევროკავშირის კანდიდატის სტატუსი ისტორიული შესაძლებლობაა. საქართველოს მთავრობას ეკისრება პასუხისმგებლობა, განზრახ არ შეაფერხოს ქვეყნის გზა ევროპული მომავლისკენ", - აღნიშნულია გერმანიის საგარეო საქმეთა სამინისტროს განცხადებაში.

ავტორი: ექსპრესნიუსი,